新書《「佔中」透視》老屈獨立評論人協會收咗美國「國家民主基金會」（NED）資助，獨評向作者余非同出版社三聯發律師信，要求澄清道歉。點知中央智庫全國港澳研究會上周五專登為咗呢本書搞網上讀書會，各路人馬大合唱力挺余非，又批評獨評發律師信有「恐嚇」成份。讀書會陣容鼎盛，成員包括北大法學院教授王磊等。被該書點名嘅獨評成員呂秉權就同八方講，全國港澳研究會由港澳辦掌管，佢哋咁「重視」比較少見，「多謝賞識」。佢強調獨評賬目公開，「冇收過（NED資助）就係冇收過」。如果三聯同余非呢幾日冇覆，獨評會研究進一步法律行動。