政府宣佈成立降低食物中鹽和糖委員會後，引起網民熱烈討論。
獲政府委任做委員會主席既陳智思接受《壹錘定音》訪問，透露政府改名前，沒有諮詢其意見，他自己也認為名字「長咗啲」，亦料到網民會對此作二次創作。主持人李慧玲建議，減鹽、減糖絕非壞事，倒不如直接叫「減肥委員會」更為吸引，陳亦認同這名字更簡單直接。
對於是次委任，有政界中人覺得大材小用，但陳智思則反駁︰「食衛局搵我出嚟講嘢，因為最有說服力！」
他大爆早年曾為身體健康狀況而減少進食糖份，當時成功減去約30至40磅體重，高峰期更減去45磅，「我諗高永文搵我係覺得︰『喂呢個係最佳人選』！」
其實現時陳智思的情況，與當年任政務司司長的曾蔭權相似，曾蔭權在沙士期間，獲委派領導「全城清潔策劃小組」，當時慘遭傳媒揶揄為「清潔大隊長」。
主持李慧玲說︰「似曾蔭權唔緊要……你喺呢啲委員會做到嘢嘅話，你諗吓曾蔭權清潔大隊長之後係咩，係特首呀！」