日本過氣男團DA PUMP曾經走紅J-pop界，組成十八年先後有成員離隊同有新血加入，由當年四位一體變成目前嘅七人組合，除咗主音ISSA之外，其他成員都已面目全非。
當年ISSA迷倒萬千少女，而且仲係圈中食家，分別嗒勻上原多香子、伊東美咲同埋柴崎幸等靚女，點知佢早幾年開始有中年危機，脫髮、發福打孖嚟，三十六歲已經成個肥叔叔咁，睇見都心酸。
其實ISSA都未算最驚嚇，原來六年前離隊嘅三十六歲舊成員YUKINARI仲得人驚，呢幾年已歷盡滄桑，同女星西田夏結婚唔夠四年，就因為家暴而離婚收場，YUKINARI仲由當年嘅花美男變成二百磅大肥佬，人又冇錢又冇，奉勸各位男士記緊要keep吓好呀！
撰文：李村姑