甄子丹昨日以打吡大使身份現身沙田馬場，其太太汪詩詩、姨仔汪圓圓蔡加讚夫婦、黎諾懿及太太李潔瑩等出席。子丹提到《葉問3》將開拍，他笑言已操fit身形：「我𠵱家冇晒肚腩，胸肌就要縮一縮，胸肌天生麗質，唔需要操。」記者取笑他拍時是否要束胸，他表示：「唔使，平時着衫都唔會騷事業線，留番畀啲粉絲幻想空間。」在旁的詩詩更指子丹拍戲投入：「佢試過拍《殺破狼》時曬到黑晒，個女嗰時喺加拿大，見到黑人嗌爹哋。」此外，黎諾懿透露忙完拍劇後，希望有兩個月假期，會與太太去過一個完美度蜜月，暫定日本為目的地，問到二人有生BB計劃，他表示：「順其自然，唔抗拒，我哋都ready做父母。」
採訪、攝影：馬建華