從呢排香港天氣開始回暖就知，國際田徑賽季又開始喇，而牙買加飛人保特（左二）亦喺上周六新賽季首戰中順利勝出㖭！不過，保特參加嘅唔係佢強項男子一百米，而係喺金斯敦田徑賽參加男子四百米，並以46秒37嘅時間第一名衝線。呢名男子一百米及二百米世界紀錄保持者賽後就話，佢對於新賽季嘅期望好簡單，就係全季都冇傷冇病喎！