繼上周中歐聯和波出局後，車路士周日英超再失威，主場遭修咸頓逼和1:1，但仍以六十四分穩佔榜首，在踢少場下領先上周六輸波的曼城六分。
車路士今仗強陣出擊，迪亞高哥斯達、夏薩特、奧斯卡杜斯山度士及韋利安四位進攻主將合作攻堅。修咸頓今場棄用近況不佳的加斯安奴柏利，改以沙恩朗打正選前鋒。藍戰士一開波就採取主動，初段有艾斯派古達射門高出。十一分鐘，夏薩特在禁區推進，再傳予邊線的伊雲洛域立刻傳中，哥斯達一頂破網，為車路士開紀錄。
馬迪輸十二碼累事
之後修頓即有扳平良機，但沙迪奧文尼的射門被泰拔高圖爾斯救到。十八分鐘，文尼再產生威脅，他扭入禁區博到尼曼查馬迪犯規，修頓獲得十二碼，馬迪更被罰黃牌。有兩個月未入過波的杜辛泰迪治主射入網，追成平手。
修頓承接氣勢給予車路士極大壓力。三十分鐘文尼妙傳泰迪治，後者一射被撲出。一分鐘後，賴恩貝特蘭左路傳中，車路士禁區一片混亂，狼狽地解圍。三十五分鐘，沙恩朗前場造波，傳予文尼射門，高圖爾斯接實。車路士失球後幾乎沒攻勢，兩軍半場踢成1:1。換邊後初段，修頓後衞艾達韋列特罰球勁射，又被高圖爾斯托出底線。之後車路士佔較多攻勢，但仍未能再入多球，維持和局終場。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive