距離五月二號場拳壇世紀之戰越嚟越近，關於帕奎奧同美韋達嘅報道最近就多咗好多，早幾日就到一代拳王泰臣（圖）出嚟發表意見嘞。雖然外國大部份莊家都睇好「不敗拳王」再贏多場，但係夠晒權威嘅拳擊傳奇泰臣話帕奎奧先係佢嘅心水。泰臣話唔信美韋達可以K.O.到帕奎奧，單靠每回合計點數，佢都幾難贏得到出拳冇停手嘅帕奎奧喎。