保良局名酒慈善晚宴前晚在四季酒店舉行，主席梁安琪、副主席陳細潔、總理何猷亨，還有嘉賓羅霖等人出席，陳細潔帶男伴入場，羅霖性感火紅谷胸晚裝示人。賭王何鴻燊四太梁安琪在晚宴上自詡千杯不醉，她笑說：「基本囉！我都幾鍾意飲酒，我飲茅台。」她意猶未盡繼續話當年：「十幾歲嘅時候，喺歌舞團同解放軍聯歡，用漱口杯同佢哋飲，仲係唯一一次飲醉，搞到跳舞都失場，呢件事有同仔女講，叫佢哋唔好飲到咁醉。」
四太認為仔女都要學識飲酒，她說：「超欣飲吓紅酒，但就唔會飲烈酒，女仔點都要學吓，始終都需要應酬。」被問到跟賭王是不是經常摸酒杯底？她笑說：「係摸面珠摸手仔。」
陳細潔帶男伴出席
做了多年單身貴族的陳細潔，早前被姊姊陳小寶踢爆有人求婚，前晚帶男伴現身，被記者追問該男子是否男朋友？她笑說：「唔係，係朋友，因為一陣有啲拍賣環節，呢個朋友又識舉手又識飲酒，所以叫佢嚟。」被問到真命天子何時出現？她說：「現身嘅時候大家就會見到，會拖埋手畀大家影，未係時候。家姐就想介紹男仔畀我，冇開始，只會見面同埋食飯。」不過昨日白色情人節，她還未有人約。
採訪、攝影：文國駿
