鄭伊健、謝天華、錢嘉樂及林曉峰昨日與草蜢三子，在屯門出席「歲月友情 x BE THREE」簽唱會，他們分別獻唱又和粉絲玩遊戲。「歲月友情」五子獨缺陳小春，一班兄弟笑指小春忙於搵奶粉錢，而謝天華依然沉醉於當爸爸的喜樂中，他自封尿片部部長：「我𠵱家好熟手，最考工夫係𠱁佢瞓，因為佢話唔到畀我聽，咩原因唔瞓覺。」伊健笑說：「我食咗薑醋，好好味，代表佢個仔OK好。」一班男人以前講追女仔，現在變成講湊仔經，至於有女萬事足的錢嘉樂笑說：「做爸爸最難就係老婆有咗三個月前要守秘密，怕小器唔講得。」
此外，今年是草蜢成立三十周年，草蜢現正忙於巡迴演唱，所以不會舉行紀念演唱會，蔡一智說：「要搞好嘅演唱會，唔可以草率，可能出年或遲少少，一個組合要走三十年並唔容易，好感恩，我哋唔會唱上神枱，只會好謙卑咁繼續唱。」蔡一傑笑說：「我哋望住譚詠麟去做，佢邁向四十周年，我哋都希望有四十年。」
採訪、攝影：張俊銘
