上季日聯盟主大阪飛腳入得波又失得波，周六於日聯作客到有超級射手豐田陽平壓陣的鳥棲砂岩，有機會上演入球騷，一於捧入球「大」。（球賽編號：星期六8；有線61及201台今日5:30pm直播）
上季飛腳乃日聯攻力第二強球隊，三十四場入五十九球，今季繼續踢進攻足球。開季他們踢了四場比賽，錄得一勝一和兩負，表現中規中矩，不過兩名前鋒安達臣柏德列及宇佐美貴史皆有貨交，各入兩球。周六作客砂岩，教練長谷川健太料會繼續排出4-4-2陣式，以中場指揮塔遠藤保仁（圖），以及左右兩翼倉田秋及大森晃太郎，支援在前線搵食的安達臣柏德列及宇佐美貴史。雖然他們攻力強，但以丹羽大輝及岩下敬輔為首的後防卻存有大問題，過去四場比賽共失六球。
連續第四季於日聯比賽的砂岩，其前線球員豐田陽平把握力甚強，首戰就入一球助球隊贏新潟天鵝2:1；連今季在內，他於四季聯賽上陣一百零一場入五十五球，當中包括四次對飛腳轟入五球。既然兩隊均有星級前鋒壓陣，就捧入球「大」。
至於周六另一場心水日聯，則是FC東京迎橫檳水手時少讓平/半，可開上盤。東京有權田修一、森重真人、前田遼一及武藤嘉紀等壓陣，實力較強，其中武藤嘉紀上場更梅開二度，故贏波冇難度。文：吾中