【本報訊】被指智商較低的次被告謝臻麒在庭上經常頭耷耷，以孩子聲線作供兼不斷指手劃腳助表達，他接受盤問時會問律師「問緊我呀」，又問「咩係星巴克呀」，惟當被指殺害兩老兼在庭上「扮嘢」時，他即顯得憤怒，更大呼：「你可以繼續屈我，屈啦屈啦冇問題！」
周凱亮聞謝作供竊笑
謝臻麒作供期間動作多多，例如形容他在家中廁所有很多老鼠，試過老鼠在前面出現，「我望住佢佢望住我」；他又用手比劃一個咧嘴而笑的動作，來形容周凱亮開啟殘肢膠箱時的笑容，陪審員看罷無不竊笑。當他提到姐夫指摘其印尼籍妻子不做家務，他大聲說「我唔係娶個老婆嚟做嘢㗎」，此時周凱亮亦按捺不住咧嘴笑，並望向身旁的懲教職員欲取得認同，惟對方木無表情沒給反應，周無癮收回笑容。
控方就謝參與殺人肢解盤問他，更展示兇案後謝與周凱亮有大量電話來往紀錄，謝即瞪大雙眼怒視主控：「我冇！」但主控強調紀錄屬控辯雙方同意的案情，謝即回應：「我冇同意！」主控再說：「你知！唔好扮嘢！你同意咗㗎！」謝還擊：「我唔知，我唔知幾時話（同意），我完全唔知！」主控追問：「你係唔係扮無知？」謝答：「我唔係無知，我知！」到周凱亮的辯方大律師盤問謝時，連番指謝有份殺死兩老及肢解，謝瞪眼喘氣回應：「你可以繼續屈我，我講咗事實出嚟，你哋唔信我控制唔到！」
■記者陳美莉