【專家教路】
韓圜跌至兩年低位，有專家教路，赴韓血拼，化妝品及時裝最抵買，反而電子產品未見匯水着數。
旅居南韓首爾近三年、「韓國達人」阿妙（Miu Chiu）提醒大家，南韓買三星智能手機「冇着數」：「三星Note 4為例，韓國買貴好多，折合成六、七千蚊港紙；香港都係賣五、六千蚊」。阿妙又話平板電腦售價亦會較香港高。
阿妙稱到首爾買化妝品最抵，「香港人過嚟買南韓化妝品，價錢相對香港售價大概八折左右，南韓牌子每隔一段時間就減價。例如Nature Republic同Innisfree每隔一個月或三個月一次推出減價優惠；高檔次少少嘅MISSHA，可能一年一次減價優惠，減幅最多可以半價」。買衫可以去地下街如江南地下街、高速巴士地下街（Goto Mall），「一件女裝針織衫每件賣約一萬韓圜，折合七十八港元，但同一件衫係香港就賣三、四百蚊」。
近年首爾被內地自由行攻陷，南韓本地人為逃避陸客人潮，周末不會去明洞和東大門，寧願到首爾上水站caf𥌎，或者去大學區包括弘大以及梨泰院消遣。
■記者伍詠雯