球迷係球會最重要資產，可以話係球會嘅父母，呢句說話唔係我亂講，而係來自一位本地球會嘅管理層。佢話球會之所以係一個「會」，係因為球迷會喺球隊比賽嗰陣打氣，冇球迷，球會就算再大型，都只會係一支球隊，係會孤單嘅。
球迷對任何球會都係重要，但球迷犯錯，球會又應該點樣應對？阿士東維拉喺足總盃八強淘汰西布朗晉級，比賽末段有大量維拉球迷湧入球場慶祝，賽後維拉球員認為當時場面非常混亂，而雙方領隊都唔認同維拉球迷嘅行為。不過睇到網上留言，大部份人都支持球迷，認為球迷激動咁表達對球隊嘅支持，其實係球會之福，球員同領隊唔領情，只係因為佢哋唔理解球迷。呢件事啱定錯，我真係唔識判斷，但我肯定維拉會因為呢件事被足總處罰。無疑球迷係球會嘅米飯班主，但球會係咪就要接受球迷認為係啱嘅行為？
本周維拉作客「黑貓」新特蘭，儘管佢哋喺英超表現一般，但係希望可以保持足總盃嘅氣勢，贏新特蘭。
文：LULU
不懂踢波愛睇波