周五日聯獨腳戲，柏雷素爾主場對仙台維加泰。柏雷素爾對賽往績雖處下風，不過已踢了四場正式比賽，狀態應較好，亦可強陣，故可秤先，讓半/一捧上盤。（球賽編號：星期五2；有線61及201台今日6:00pm直播）
柏雷素爾要戰亞冠盃，故於二月中展開新球季，迄今踢了四場比賽錄兩勝兩和。上周六他們於聯賽揭幕戰訪神戶勝利船，教練吉田達磨收起了大津祐樹，改以李安度蒙迪拉夥拍工藤壯人及基斯坦奴達施華打三前鋒陣，效果不俗。故周五迎維加泰時料會續倚重這三名球員。還要留意的是，工藤壯人開季後頗「弗」，四場入三球，包括上場攻入致勝球，助球隊贏勝利船1:0。
維加泰在新球季首戰主場贏升班馬山形山神2:0，但論表現只算一般，戰至最後十分鐘靠後備登場的威爾遜洛迪古斯入兩球才能贏波。季前他們有角田誠、太田吉彰、赤嶺真吾及武藤雄樹等主將離隊，就算梁勇基、菅井直樹及石川直樹等留隊，戰力亦明顯受損；周五訪柏市時，野澤拓也更要坐波監，勢必進一步削弱中場實力，故難望像對上三戰一樣能戰和甚至贏波而回（一勝兩和）。
柏雷素爾近八次於聯賽鬥維加泰錄得兩勝四和兩負，往績麻麻，惟無論人腳抑或狀態都勝一籌，加上有主場之利，因此信他們可破數據，讓半/一必取上盤。
文：青蛙仔
識睇，一定係睇足英台【英波Live】：
http://soccer.appledaily.com
http://bit.ly/engballlive