白鴿黨主席卿姐噚日接受警方預約拘捕期間，突然出現一名打紅呔的西裝型男，望真啲，原來係法律界「男神」、「法政匯思」成員梁允信大律師。有民主黨人透露，男神噚日係自己主動到場，話想義務幫卿姐。男神最終用兩粒鐘幫卿姐後，即刻雞咁腳趕返律師樓做嘢，臨走前只係話，想要把黃遮作留念。
卿姐聽到男神要求，就即刻打開自己個手袋，抽出一把黃色遮話要送畀佢，仲讚男神真係好靚仔喎。雖然男神吸引力驚人，但有人士透露，其實男神名草有主，女友仲係一位法律界人士。至於同日被預約拘捕嘅教育界議員葉建源，則獲另一「法政匯思」成員文浩正律師相助，文律師保持低調，幫完手即快閃。