【鳩嗚乜乜乜】
信用卡經常有唔同食肆優惠，但有時明明喺信用卡宣傳度見到有優惠，但去到餐廳個侍應一口咬定話冇。由於冇證冇據，只好硬食。（費清又唔係Drama Queen，唔通話我對眼就係證據咩。）又有啲餐廳，你唔問佢，佢都唔講原來有優惠！
#一百蚊四杯飲品
最近同Visa產品開發副總經理Eric Wang食飯，佢就話最近出咗個App可以幫到費清。Visa Explore手機程式有晒所有優惠資料，包括餐飲折扣，仲可以顯示喺你附近嘅餐廳有咩優惠，就算喺外國旅行一樣用得。下次再遇到想老點費清嘅侍應，就可以show畀佢睇，「呢啲就係證據」。
台灣嚟嘅靚仔高層Eric一睇就知好鍾意食嘢（費清冇話佢肥呀），話西門町有間點心舖好食，但嚟咗香港後冇再去過，「點心都係香港最好味」。佢乘機推介，話Visa Signature卡用戶可以去尖沙嘴1881隆濤院，二百零九蚊有買一送一，兩位任食點心，仲包埋加一：「我試過，連我都食到飽，一般人應該都可以」。
鍾意飲嘢可以去中環Azure Restaurant Slash Bar，或者尖沙嘴AVA Restaurant Slash Bar，Happy Hour一百蚊有四杯飲品（圖）連小食，都係包埋加一。
費清 ＃要生計，也要生活 ＃毋忘初衷