今輯《亂噏24》搞搞新意思，齊齊落區亂噏探訪工場。究竟係乜嘢工場咁巴閉？就係專門回收廢棄木材，重新再造成為傢俬嘅社會企業。呢家社企嘅主帥只係一位二十出頭嘅少女——阿Sue黃明慧，為咗令木材物盡其用，阿Sue放棄原本嘅工作，嚟到工場同木糠為伴，都算幾大犧牲。
「唔短㗎！收垃圾呢個經驗唔短㗎！」阿Sue笑言，回收舊木有如回收垃圾，但堅持落去全憑一個理念︰「收木頭有個好處，我哋收集一啲舊木或者係傢俬，因為木材容易處理，修整後質素就同新嘅一樣。」犧牲小我為環保出力，小編都要向此小女子致敬！
星期五六日《亂噏24》！認識升級再造！