世界排名第一嘅高爾夫球手麥艾萊喺最新一期《高球文摘》做咗封面人物（圖），而且仲扮米高安哲奴嘅大衞像造型㖭！好彩佢冇好似大衞像咁赤裸全身，只係上身冇着衫，下身就着蘇格蘭裙。公眾對呢個封面嘅反應好極端，鍾意嘅就話好正，唔鍾意嘅就話好核突；不過，麥艾萊就話佢𠵱家只會集中精神為下個月九號展開嘅美國大師賽備戰！