【本報訊】女生X供稱每次遭被告陳德興非禮後，均會向母親投訴及表示不想補習，但母親以DSE在即為由拒絕。X母昨日作供時亦承認曾數度目擊被告撫X大腿，卻沒跟被告對質。被問及為何不報警，X母解釋：「我覺得只係個老師有少少鹹濕，未去到強姦咁嚴重」。
目擊非禮無當面對質
X母指X初時投訴被告講鹹濕笑話時，她着X不用理會，「你畀心機上堂」。後來X指遭被告胸襲，她雖感「好驚、好詫異」，但只在日後補習時留在家「監場」。即使X母在家數度目擊被告撫X大腿，她亦沒有當面與被告對質。甚至在X停止補習後，X母仍找被告為長子補習，「佢補英文補得好，我個仔需要人幫佢」。
案發時距離X考DSE有一年多，辯方資深大律師清洪問X母，為何會為此犧牲女兒？但X母回應：「係呀，所以我好後悔，X話佢冇放低件事時，我好內疚。」X作供時亦指「同我信任嘅人講但冇人幫我」，故「屈住喺心」，終患上抑鬱。她在去年生日時對母親說「算喇，我原諒你，我放低佢」，母親指會支持X的決定。兩人參考醫生及社工意見後，終決定報警。
辯方盤問X時曾質疑X母是否着重她的學業，而完全不顧她被非禮。X即為母親解釋，指母親緊張她的成績，但「佢有用佢嘅方法，只係唔成功同冇用」。X透露因母親曾患癌，故X大多時候都不會逆母親的意思。
■記者林綺琪