【維基解密之齊心谷劇】被視為港視救亡劇的《導火新聞線》前晚正式播映，雖然劇集今晚播第三集，不過外界的口碑不俗，有見及此，據知港視在本周六將會在將軍澳某大型商場為《導》舉行宣傳活動，過往港視未有試過為劇集在商場舉行活動，今次實屬首次，可見對此劇極為重視。
前晚劇中演員如梁小冰、周家怡、王宗堯等人在尖沙嘴舉行首播飯局，身為總編輯的小冰首集已有一場裸背露波邊場面，小冰說：「呢場戲得五秒咋，係講我入到房除衫，然後將件衫放喺床，再行入廁所，好難忘，嗰條片拍完都鎖喺冰姐（港視高層）嗰度。」當日因旁邊有另一部攝影機，影到她的胸形，她說：「導演睇完playback好緊張同我講，仲話再拍多次，但我真係驚走光，變得好唔自然，最終用返第一Take。」問她會否擔心被網民截圖？她笑說：「做演員冇諗咁多嘢，老公同個仔都知道，個仔仲話：『點解你背脊咁污糟』。我對呢套劇有信心。」
姜文杰唔敢摸胸
周家怡亦為劇集獻出最激一次，她笑說：「今次係我入行以嚟最激一次，我會俾姜文杰扯開件衫，不過佢拍時都尷尬，拍咗好多個鐘，因為每次佢對手去到我個胸部時，佢（姜文杰）好自然去咗我背部，但係佢唔敢掂，好避忌囉，成日話驚俾人笑，話佢唔得。」與此同時，男神王宗堯與楊淇飾演歡喜冤家，除了有濕吻戲外，更有床上戲。此外，陸駿光表示婚事已搞得七七八八，至於會否請王維基去飲？他則說：「我冇佢電話，但打咗畀佢秘書，王生畀幾多人情冇所謂，最緊要拍劇搵我。」
採訪：黃曉妍
攝影：葉君海
