正值北京兩會，身為政協嘅成龍當然要出席會議，昨日政協文藝小組分組會議開放俾傳媒拍攝，不過成龍到場見到傳媒竟然發晦氣，向傳媒發炮。
成龍聲稱自己準備晒講稿，但一開聲就唔係讀稿，而係不滿現場出現記者，佢話：「你看，這麼多記者，我是講甚麼話好呢，我都不敢講話。真的，一講錯一句話就是，我們打拼了幾十年，由一個窮小子打拼到今天，有這個地位，真的想為國家或者為人民、為香港做點事情。講一句真心話，完了，不是我，我一家人都受累，都不敢講話。」
然後佢繼續一臉不爽咁話：「甚麼時候放記者進來，甚麼時候不放記者進來，真的有時候不放記者進來，我們可以講一些真的是真心話，如果現在這樣子講，我會面對他們講很多假話...現在我講來講去我就不敢講，你看我一講話八百多個機器對著我，講完了。」仲將咪座重重咁拎開，完全感覺到佢非常不滿。
有記者就問如果講唔到真話，就講假話，成龍冇好氣咁話：「假的他都會幫你扭曲……!」」停咗幾秒之後，成龍可能想打圓場，補上一句：「記者們你們辛苦了。」
可能近日成龍受到個仔祖名嘅新聞困擾，然後早前佢同宋祖英同場，兩人完全唔似上年咁親暱，都引起好多猜測，令佢心情煩躁？