導演李仁港（圖）談吐爾雅一派儒風，原來跟導演杜琪峯都是雪茄愛好者，只不過一個在片場上溫文、一個剛猛。李仁港出身書香世代，想不到他鏡頭下盡是《鴻門宴》、《錦衣衛》兩軍對壘，新作《天將雄師》也講求簡淺易明：「通常我喺片場先食雪茄，覺得創作靈感好啲。其實art好平易近人，亦唔係用嚟供奉。我喺外國coffee shop飲咖啡，隔籬就係畢加索隻羊。係香港先會將藝術搞到高高在上，好多時明知展出嘅係複製品，但啲保安依然好緊張。」修讀過電影的李仁港抗拒高高在上的電影，他說：「睇啲所謂藝術電影好大壓力，真正大師可以好平易近人，睇過黑澤明電影就明。」李仁港不諱言有朝一日重回港片，他說：「投資多少取決項目本身，未必次次都要過億投資，如果有合適當然會拍。」