男神王宗堯在昨晚首播的港視劇《導火新聞線》扮演《囧報》記者，雖然只是在鏡頭下跑新聞，但藝人平日跟記者唇齒相依，令他演起來格外有feel。王宗堯扮記者扮上癮，平日開工都相機不離身拍下有趣生活點滴，《蘋果動新聞》索性安排節目《男神做記者》，讓王宗堯親身實習採訪，嘗試不同崗位，他的首個任務就是做《狗仔隊出更》。
又錄又影手忙腳亂
王宗堯當日先返將軍澳《蘋果》娛樂版報到，隨即跟追蹤組同事到中環自動電梯一帶「辣」更，他單拖拿着相機和攝錄機做步兵，突然野生捕獲「鴨王」何浩文（Dominic）孖師妹唐紫睿（Hazel）拍拖逛內衣店，王宗堯找得有利位置連環追拍，務求獨家踢爆鴨王新戀情，王宗堯沿途緊貼追訪，不慣又錄又影的他一度手忙腳亂，最後更成功攔截緋聞男女追問回應。其間有途人見狀八卦上前問：「邊個嚟㗎？」王宗堯答：「明星呀！」
與此同時，王宗堯卻收到Dominic的手機短訊：「送畀你獨家。」Dominic同時跳出鏡前招認「夾料」，兩兄弟激情擁抱。王宗堯覺得參與做狗仔隊「趣」爆：「估唔到我第一單料係『鴨王』送嘅，做追蹤真係好有挑戰性，一啲都唔容易。」經過這次經驗，男神王宗堯若行街被撞破拍拖，他笑說：「到時冇得避，我會大方啲。」
採訪：宋文、薛國斌、梁智威
攝影：廖達燊、張宗光
