「萬人迷」碧咸同佢太太維多利亞（Victoria Beckham）兩夫婦輪流襲港！碧咸舊年底來港跟利標品牌（787）簽約，合作推廣Beckham品牌後，碧咸嫂Victoria呢個星期日就接受太古地產（1972）邀請，去金鐘太古廣場奕居講talk，可惜只得幾十位獲邀嘉賓可以參與其中。
巴塞爾藝術展（Art Basel）周日舉行，有份贊助Art Basel嘅太地趁機跟多媒體組織Liberatum合作推出一系列文化藝術活動，其中一項就係邀請碧咸嫂來港解構自己事業發展路向。
的確，歌手出身嘅碧咸嫂二○○八年進軍時裝界，已經成為潮流指標，佢今年仲打算推出鞋履同指甲油產品，時裝王國越做越大，唔知將來會唔會將公司上市，做埋上市公司主席呢？