蘇富比春拍舉行全球最大型嘅Swatch私人收藏「登凱爾珍藏──Swatch與藝術」拍賣會，下月七日喺灣仔會議展覽中心舉行拍賣，下月二日至六日同一地點預展，五千八百件收藏品作單一拍賣，涵蓋歐洲藏家登凱爾花咗二十五年收集得嚟嘅一九八三年至二○○七年罕有原型版、限量同特別版Swatch腕錶等，預計成交價破千萬元。
拍賣品分好多個系列，重點有Swatch 007占士邦電影系列，當中有Swatch為慶祝占士邦電影四十周年紀念，二○○二年推出嘅一系列特別版占士邦主題腕錶連皮革公事包，一套共二十隻腕錶分別喺錶帶上刻有歷代占士邦電影名稱同上映日期；仲有二○○八年限量推出二百二十二套嘅「占士邦反派系列」等等。