工黨日前發佈一項調查，話荃灣中產區嘅愉景新城購物商場，自從二○一二年開始翻新，場內過半商舖主打自由行旅客，擔心購物商場淪為「自由行商場」。
愉景新城事隔一日，用番自家調查反擊工黨，發言人話呀，商場以「家庭客」為主，自由行並非商場嘅主要客群，因為佢哋做過嘅調查發現，有約七成客係嚟自荃灣或者新界西。
發言人重申，𠵱家商場仲進行緊大型翻新工程；以翻新完成嘅兒童街為例，近七成係原有商戶。商舖方面，至今珠寶鐘錶店只係一間，完成翻新後，仲會加入多元化嘅食肆組合，以關顧家庭客群嘅需要，無非係想講佢哋以考慮附近居民需要為目標，唔會變成「水貨商場」。