八方都會體諒，點解有啲港人對於內地「篋神」咁嬲，只要大家被強國人嘅篋碌過、因為太多篋而無法上到港鐵，相信會明白有怨氣好正常。
北區區議會交通及運輸委員會，舊年就特別委託顧問公司進行問卷調查，睇吓點樣紓緩港鐵東鐵綫逼爆；雖然無講明針對內地「篋神」而做，但大家心中有數，顧問公司噚日提出多項建議，包括增加「特定行李車廂」畀帶大型行李或手推車嘅乘客。唔知係咪因為《100毛》早前誤以為呢個係北區區議會嘅爭功爭取、諷刺一番，噚日包括劉國勳在內嘅當區區議員，齊齊表明唔支持建議㗎，以免助長肆無忌憚攜帶更大型行李啦，但就力促港鐵安排更多空車由北區開出以及制定行李管制措施，唔係專登同《100毛》鬥氣啩？