送馬迎羊冇耐，民協就要「破財擋災」！原來位於油麻地彌敦道新光商業大廈嘅民協總部，喺三月八日婦女節當日被爆竊，初部點算損失咗二千蚊現金，而除咗錢之外，其他物品完好無缺，辦事處已經報警處理。
民協副主席譚國僑話呀，大廈外牆呢段時間搭咗啲竹棚，進行維修工程，個人估計啲賊係藉此進入單位犯案，事關除咗民協總部，大廈仲有幾個單位同樣被爆竊，所以相信今次嘅連環爆竊，唔係針對民協嘅，而初部點算後發現，被偷咗去約近二千蚊現金，譚國僑希望借民協嘅不幸遭遇，呼籲進行緊大廈外牆工程嘅承建商同市民提高警覺，以免小偷有機可乘，亦呼籲警方加強巡查，防止罪案發生。