【利弊參半】
網上放盤自由方便，又省卻代理佣金，似乎好處多多。然而，網上放盤缺乏監管，用家切忌貪小便宜，因小失大。
搵盤方便 惟資料難辨真偽
業主和買家透過網上放盤可因應個人需要，包括地區、單位面積及價錢，自行篩選心儀單位。當中沒有代理中介人，免卻佣金，假設樓價四百萬元，買賣雙方每人均節省四萬元。有些業主把物業資料放上網後，快到即有買家或租客主動聯絡，還可約定放假時間睇樓，買家只須登入網站或APPS就可搜尋樓盤資料，方便有效。
不過，網上盤源真偽難辨，記者曾於某物業網站看見一個元朗舊樓放租盤，叫租九千元，寫明是業主放盤，致電查詢後原來是代理放盤，又指單位不存在，遂轉移推介另一樓盤。
網上放盤亦潛藏安全危機，不少地方曾出現業主自行放盤，結果引賊入屋、引狼入室，又或租客睇樓被騙訂金等案例。
此外，缺乏代理做中介人，在處理買賣及租賃合約時，隨時因為條文交代不清，例如租約寫明，業主須否負責冷調灶爐等維修費等，引致糾紛，結果為慳數元佣金，最終蒙受更大損失。
【用家意見】
上網純搵資料
李先生表示，曾經使用包括「28Hse」及「Gohome」在內的多個放盤網站作為資料搜集，但純粹作資料搜集，並認為市民上網搵樓應該要提高警覺。
慳錢但風險大
黃先生指，雖然放盤平台可以省卻代理佣金開支，但覺得「你慳得啲錢嚟，但風險可能仲大……除非你自己好熟呢一行，如果唔係，搵地產代理好似穩陣啲。」
直接落舖搵樓
任職銀行的劉先生兩年前成功置業，搵樓初期，他曾上放盤網站搜查資料，「網站就唔係咁好！始終都要約出嚟睇樓，我不如直接落代理舖，然後直接上樓去睇仲好！」
李家皓攝
