二○○六年獲科大破格取錄既「星之子」陳易希，今年已經二十五歲，佢二○一一年畢業後搞資訊科技公司，噚日返回母校出席校方新春傳媒聚會，展示其中一個產品，搞到校長陳繁昌及好幾位女記者，唔食嘢都輪住玩。
有乜嘢咁吸引？就係佢公司開發，專供婚宴使用既Selfie自拍程式，只要企喺鏡頭前就自動影到，再嘟螢幕上QR Code就可單撈張相，呢個程式主要係賣畀協辦婚禮攝影公司，要過萬蚊。聽聞陳易希有靚靚女朋友，不過佢話冇咁快會用呢個程式住喎。
佢間公司Bull B Tech成立三年幾，出過三十多個程式，一年營業額近一千萬，盈利達約一百萬，陳易希透露計劃三年後將公司上市，做個大老闆。