日本著名AV女星小向美奈子，上個月因為藏毒被捕，上周三佢再被加控吸毒，獲准以二百萬日圓（約十三萬港元）保釋。但係小向當時連十三萬港元都攞唔出，到昨日先至籌夠錢保釋，離開被拘留嘅東京灣岸警署，佢打扮斯文，戴住眼鏡着白短裙同灰黑外套，一出嚟就對住大班傳媒道歉，佢話實在好對唔住工作人員、朋友同埋支持佢嘅人，對鬧出大事感到抱歉喎。
小向鞠躬道歉時仲露出事業線，被捕咗個多月後，可能冇接觸毒品，佢似乎脹咗好多，雙下巴盡現。雖然小向道歉時多次偏嘴又忍唔住喊，但由於佢已經係第三次涉毒被捕，網民都鬧呢個積犯，次次都道歉扮後悔，如果真係後悔就唔會有第三次，仲有網民鬧佢咁搞法唔會戒得甩，實有第四、第五次，勸佢再咁搞法一定眾叛親離！
撰文：李村姑