方力申（小方）與鄧麗欣（Stephy）拍拖近十年，不止一次傳出婚訊，昨日再有雜誌指兩人已於年初在美國秘婚，雖然Stephy否認婚訊，但因小方在上月接受訪問，曾表示結了婚亦不會講，令婚訊疑幻似真。本報昨日分別致電小方及Stephy求證秘婚傳聞，Stephy以短訊回覆說：「去馬爾代夫只係去旅行呀！同埋都冇去過美國呀！」而小方亦以短訊回覆：「not true！」
至於Stephy好姊妹區文詩接受電話訪問時則代為否認：「唔係，咁熟點會唔知，佢哋點會秘婚，呢個乜年代，我好肯定佢哋未結婚，傳得太多次。」至於傳Stephy和小方同居，區文詩亦否認：「梗係唔係，咁多年報道都流到爆，兩個咁多年互相去大家屋企好正常，Stephy仲係同屋企人住。」
採訪：皓騫