楊冪自去年初下嫁劉愷威，半年便誕下得意囡囡小糯米，但她入門後是非不斷，經常有傳楊冪是惡新抱，早前又傳她不准老爺劉丹帶小糯米去親友家拜年。昨日劉丹在尖沙嘴出席活動時解釋：「小糯米係去北京見佢太公太婆，香港梗係見佢唔到。」他大讚楊冪是好新抱，他咔咔笑說：「佢連講句說話都唔會大聲，又點會惡得出面？我未見過佢發脾氣。我成日都話阿威娶到個好老婆，對老人家又好有禮貌。」劉丹續表示內地節目常說楊冪「自黑」，即拿自己開玩笑，認為媳婦脾氣極佳。
另有傳劉丹想再置業，他說：「搵過唔係好啱，因為要搵師傅睇風水，又要睇地區，就小朋友將來讀書。」他認為政府辣招是好事，他說：「好多人都適應咗，等樓價唔好咁瘋狂，穩步上揚都OK。」
撰文：嵐山