長實（001）樓神趙國雄出名鍾意扮鬼扮馬賣樓，總會度個搶眼造型宣傳樓盤。但最近長實開賣紅磡新盤，趙樓神竟然着得十分平凡，過去兩日現身，直情可以話佢着得hea，好似放假落街飲茶咁。佢仲要兩日都喺室內戴上黑超，似係想遮一遮大眼袋咁喎，不過兩副黑超唔同款式、唔同牌子，佢可能儲落好多黑超都未定。