【本報訊】一名失業漢昨晨在荃灣德海街跳樓自殺,跌落便利店簷篷再跌落地上,壓中一名返工男子,墮樓男子送院不治;被壓傷事主與死神擦身而過,左腳被壓斷須送院,料要休養半年,他猶有餘悸地稱以為遇上大爆炸,今次逃過一劫,要劏雞還神。
記者:張培生 文兆麟
遇上無妄之災的男子韋國雄(五十歲),居住屯門,他左腳兩條骨斷裂,送院時憶述:「行行吓砰一聲,我就撻咗喺地下……佢喺我後面跌落嚟……冇反應瞓喺地下,(我)斷咗隻腳。」從事鋼材業廿多年的雄哥,昨晨往荃灣開工,不料橫禍遽降無辜被壓中。
以為便利店爆炸
雄哥指被墮樓男子壓中時,整個人彈開兩個身位,初時以為附近便利店爆炸,看到地上多了一個滿身鮮血的人,才知道有人跳樓,「算係好好彩,大步檻過,屋企人都話要劏雞拜神」。他指事件始料不及,但過後未覺太驚:「工作咁多年,仲有乜嘢好驚,不過以後會小心啲。」他又說,經一事長一智,以後盡量行簷篷底。
與妻子育有兩子,其中一子半工讀,另一兒子仍在學,一家四口靠他工作支撐,醫生指可能要休養半年,擔心手停口停,生計大受影響:「都慘㗎,半年開唔到工,成家人都要開飯。」
至於墮樓死者姓蘇(二十三歲)叫阿朗,居住天水圍天華邨,三年前患精神病,需接受治療,因無法工作,長期賦閒在家,靠家人接濟,他沒留下遺書,警方相信有人疑不堪病情及失業雙重壓力尋死,並無可疑;遺體稍後由仵工移送殮房等候驗屍。
昨晨八時許,阿朗潛登德海街十八號富利達中心十二樓天台躍下,墮落便利店簷篷頂再反彈而下,此時雄哥返工途中行經上址,乍然黑影罩落,他未及反應,砰一聲即應聲倒下,雄哥定睛一看嚇得半死,竟見有人血肉模糊倒卧地上,他左腳劇痛無比。
大廈保安睹狀報警,救護員趕抵,墮樓傷者奄奄一息送院,惟傷重不治。警方事後聯絡其家人證實身份,親友傷心不已,蘇母表示,前晚與兒子一起吃晚飯,並無異樣,之後他離家外出,一去不返,因與兒子溝通不多,未察覺他有自殺傾向,但曾吐露接受治療辛苦。
墮簷篷反彈卸力
現場遺下大灘鮮血,死者墮地時一對波鞋亦飛脫,警方翻查大廈閉路電視,證實事發前死者獨自搭升降機上樓,在天台徘徊片段跨過圍欄躍下,若非便利店簷篷卸力,墮下的殺傷力更大。
富利達中心靠近賽馬會德華公園,人流不少,事件引起大批街坊圍觀;有街坊指傷者大命;亦有街坊批評死者在鬧市墮樓是不顧後果,隨時累街坊害死人。