接替和廣北做中銀香港（2388）總裁嘅岳毅，喺香港應該冇乜人識，只知佢喺母公司空降落嚟，同埋身兼多職。其實佢喺內地銀行界幾出名，中國第一張全國發行嘅信用卡，佢都有份開發。
五十八歲嘅岳毅，喺中國銀行（3988）工作三十五年，佢喺北京市分行工作嘅時候，有份研製中國第一張全國發行、叫做「長城卡」嘅信用卡，一九八六年十月出爐。叫得長城卡，張卡上面當然有長城圖案。翌年中銀就同MasterCard合作，但仍然限於中國境內使用。
岳毅另一個貢獻，就係幫中行開設第一間私人銀行，佢做副行長嘅時候，諗到將客人分類，分為冇咁有錢、有啲錢同埋好有錢嘅客人，然後再搵生意。