【賺錢最快】
數年前大量雙非孕婦湧港產子，經歷這個「黃金時代」的婦產科專科醫生靳嘉仁稱，當時收入一下子大增四至五成。其後政府落閘，震散雙非金礦，「嗰半年至一年間冇咗四、五成病人」。但事實證明港人撐起醫療業，他如今的收入已回復至雙非年代前。「自由行似好藥，沙士時用呢種藥救香港，但係食得太多會有副作用，𠵱家社會咁多人反抗，應該減藥、停藥或者轉藥」。
港醫療內需強勁
靳指二○○七年後雙非逐年增加，高峯期內地孕婦產子數目與港媽相若，婦產科成為賺錢最快的專科，也扭曲醫療生態。有醫生只做內地孕婦生意，有私院急增產房、手術室及產科病房吸金，卻苦了本地媽媽。
「有本地媽媽呻，喺醫院好嘈，全個病房都講普通話，搵床位又難，生完之後俾人趕出院」。
二○一二年梁振英上任特首前突然宣佈，翌年全面停收雙非，「當時好大震盪，嗰半年至一年間冇咗四、五成病人」。有醫生要削減診所數目，有醫院因生意大跌要婦產科醫生自然流失。最開心是港媽，「突然間多咗好多床位，醫生又多咗時間討論病情」。
他指過去數年證明本港內需醫療強勁，越來越多港人買醫療保險，樂意用私營服務，支撐香港私營醫療市場。他現時的收入雖較雙非黃金期少兩至三成，但與未有雙非時相若。
■記者陳沛冰