中紀委書記王岐山讀歷史出身，經常以歷史人物為例，表達對反貪腐看法。中紀委網站上月二十五日刊登的一篇題為「大清慶親王的作風問題」的文章借古諷今，紅爆內地網路。另外，去年政協發言人呂新華以「你懂的」，回應周永康被查傳聞，今年他就表示要查「鐵帽子王」，令內地再掀起反腐猜謎熱潮。
中共高層講嘢唔會無的放矢，通常意有所指。到底誰是慶親王？綜合各門各派意見，名中有個「慶」字的前國家副主席曾慶紅，而家最高危。曾慶紅爸爸係中共領導，紅二代出身，又係江澤民心腹，亦符合晒「鐵帽子王」的profile。中紀委文章所列慶親王的罪狀，包括有大量海外資產，內政外交一事無成等，有心人都可以從曾慶紅身上一一對號入座。
呢啲並非只是政治八卦，對投資市場其實都有影響。曾慶紅地位高過周永康，又曾在石油部任職，是更大的「油老虎」，再加上中紀委所派巡視組目前正在中石油集團查數，難怪中石油（857）股價三月起就唔掂。
前政治局常委級別人馬出事，會對內地股市帶來巨大不明朗因素。去年三月人大後，至七月中央正式宣佈周永康被查前，A股一直向下，呢次恐怕亦會被曾慶紅消息拖累。
李可強