今季嘅蘇保羅馬房，可以用脫胎換骨嚟形容，剛周三起孖後，季內已贏咗27win，不單早已經突破本身上季頭馬數字，目前仲可以拍住告東尼，排於練馬師龍虎榜第五位，犀利咯！
睇蘇保羅今次手馬，依然冇停落嚟嘅意思，頭場「藍色海灣」贏完唔轉路程，再跑泥地一哩，已經話咗俾你聽再搏啦，原來上次本身末段時間係全場最快，五歲馬家陣先大熟，紹仔剛周三贏番馬(「有醒」)，應可提升信心，為呢匹蘇廐馬爭連捷。
至於「奪目商人」，繼續用潘頓應有料到！點解呀？原來騎練上年12月至今合作12次，得5冠2亞4季1殿，上名率驚人，今次獨合作「奪目商人」，你話會唔會唔搏？
其餘「北非諜影」、「勝飛」甚至「御鋒」，都係上仗跑得好嘅馬，睇嚟阿蘇今期可繼續做大騷！