富二代孔樂勤（Ricz）的名字總是跟何超盈、唐貝詩等富家千金聯在一起，甚至曾與許奕妮傳緋聞。家族經營空運物流的Ricz修讀室內設計，畢業後創立自己的設計公司，最近搬到新蒲崗五千呎的工廈，一半地方「劏」出十二所服務式寫字樓，以低價出租以支持同業。最近Ricz與緋聞女友超盈有新合作，為超盈位於蘭桂坊的新酒店任室內設計，「我哋攞個心出嚟做，唔會嗌交。」
撰文：羅慧敏
現年二十六歲的孔樂勤，小學後赴英國留學十一年，大學於London Chelsea College of Arts就讀，主修室內設計，二○一一年畢業後再到北京進修普通話，回港後曾於家族的空運物流公司工作，直至前年跟友人Peter創立設計公司，最近更參與服務式寫字樓計劃，一圓自己的創業夢。
Ricz跟好友Peter一個是建築師、一個強項室內設計，二人亦師亦友，前年決定合資設計公司PMDC，如今已由兄弟檔發展成是一間七人公司。位於新蒲崗的工廠大廈、一個佔地五千呎的單位內，同時開設deHub服務式寫字樓，單位的右邊共有十二房間，以廉價的租金、全部只租予跟設計有關行業的公司，單位中央位置是共用的大廳，巨型梳化搖身一變，成為可作開騷做講座的舞台，Ricz說：「設計師嘅風格係要一路進步，我嘅目標係希望有自己嘅代表作，世上有好多唔同嘅機會，要擴濶自己視野。」
家人望保持低調
Ricz透露好友超盈即將涉足香港酒店業，由她打骰位於蘭桂坊的酒店，Ricz跟超盈拍住上，由他負責酒店的設計，成為二人首度合作的大project，Ricz說：「呢個計劃正進行中，大家好少見到佢認真嘅一面，佢好瞓身，好堅持自己理念，因為我哋已經識咗好耐，溝通上已經少咗好多問題，我哋好明白大家，唔使解釋咁多。（怕鬧翻嗎？）我哋大家都係為件事好，攞個心出嚟做，大家都有嗰股熱誠最重要。」
受訪當日，Ricz穿得官仔骨骨，甚有公子哥兒的感覺，留學其間，Ricz結識不少富二代，曾經跟何超盈、唐貝詩與許奕妮傳緋聞，實際上他們相當老友。可能因為Ricz眼大大又青靚白淨，Ricz尷尬笑說：「嗰時係放假返香港，所以成日會去玩，佢哋個個都係我好朋友。我都只係普通人，希望大家唔好標籤我，屋企人都叫我低調啲，乜嘢事都應該靠自己，最緊要係唔可以做犯法嘅事。」
【投資三百萬圓夢】
公司設計極富現代感的裝潢，全是Ricz與Peter的心血，公司投資三百萬元，Peter大讚Ricz年輕卻思想成熟，不覺得他有富二代的架子，二人合作相當愉快！其實Ricz從小到大醉心藝術：「我自細就好鍾意藝術，一拎起支筆就好想畫嘢，最鍾意畫想象出嚟嘅城市，自小就夢想開畫展，除咗畫畫，我仲好鍾意唱歌，覺得藝術係我終身成就。」
