徐緣知道三姜最耍家嘅，就係將舞獅融合潮流元素，尤其係將舞獅同hip hop 溝埋一齊好似瀨尿牛丸咁，簡直係三個字︰絕呀！三姜就好謙咁話︰「係2002年諗到嘅，點解會有咁嘅諗法呢？因為嗰個年代，陳小春嗰啲藝人好有型，成日著hip hop衫。咁啱我又識咗一啲喺香港算好出名嘅、有hip hop文化嘅人，於是就諗到喇！」
雖然話係小春令三姜諗到將兩樣嘢crossover，但三姜話其實呢兩樣嘢，本身都有共通點嘅︰「美國嘅hip hop文化，都係一種街頭文化，我哋香港嘅舞獅都一樣，要喺街上面先見到。而且hip hop dance同lion dance，都係一種舞蹈吖，咁就不如試吓啦！」小編覺得，當年瀨尿牛丸真係啟發到好多人o架！
星期五六日《亂噏24》！舞獅潮流化！