香港嘅主流電影，一般較少見到紀錄片，但原來劉國昌導演早已夥拍三姜，拍緊一部有關舞獅嘅紀錄片，而且已經拍咗四年︰「早幾年我有一次比賽，叉姐何利利帶咗劉國昌嚟睇，我亦僥倖勝出咗，比賽完之後導演就搵我傾，想拍一部關於舞獅題材嘅電影，咁就開始咗！」
咁呢部戲搵邊個做主角？徐緣就話︰「你以為搵你做梁朝偉？做甄子丹？」三姜就話聽到都嚇一跳︰「我都以為係以我做藍本，搵個演員去演，點知劉導演話唔係，叫我自己嚟演！我又唔識做戲，佢真係好大膽！我話我教緊舞獅嘅時候，有時會爆粗個喎，點知佢話唔緊要！」劉國昌導演擅長寫實風格，睇怕三姜嘅粗口應該有得留低喇！
星期五六日《亂噏24》！電影傳承舞獅文化！