成功男人背後總有個女人，吳國敬背後的女人是拍拖九年的美甲店老闆娘Elaine，他有意今年做「老襯」，讓Elaine升呢做「吳太」。阿敬打算演唱會後籌備婚禮，年底迎娶女友過門。Elaine答應了嗎？阿敬信心十足說：「整粒鑽石畀佢，我唔擔心。其實我哋拍拖第三年，我都求過婚，當年佢拒絕，𠵱家啱時候。」兩人相處逾三千日，經歷過甜酸苦辣，阿敬說：「我入行拍過好多次拖，但呢個女人係唯一一個，除咗我阿媽之外可以食住我，令我有鬥志嘅人。我哋相處九年，幾乎三日一少嗌，七日一大吵，或者就係咁鬥出火花。」Elaine戀上阿敬正值他事業低潮，但仍不離不棄，讓阿敬可以專心一意發展音樂事業。阿敬承諾要讓Elaine嫁得風光，夢想是搞個又玩又唱的Rock Wedding。