唔少家長都會帶小朋友學舞獅，但除咗小朋友之外，大人都會無啦啦走去學。醒獅達人三姜就話︰「有啲公司會請我哋去教，比如呢啲時間就差唔多，試過有出名嘅汽水公司都搵過我哋，可能係年尾有annual dinner，佢哋就早幾個月嚟學舞龍舞獅，有員工、仲有老闆嚟學o添！」
Tanya就想知道員工同老闆嘅學習情況︰「學幾多堂先過到你嗰關？我見龍後面嗰啲，都係揸住揈嚟揈去咋喎！」點知三姜非常厲格︰「五至八堂度啦，不過我唔會畀佢哋容易o架！唔會畀佢哋好過！」大老闆都嚟學舞獅，員工咪可以襯呢個機會報仇雪恨？(如果有恨的話)
星期五六日《亂噏24》！飛雲，機會嚟喇！