澳門賭業猛人、身兼太陽城集團行政總裁兼董事的周焯華（洗米華），繼日前與大肚正印陳慧玲（Heidi）高調亮相澳門舉行的太陽城春茗後，昨晚又再與正印Heidi現身在香港九展舉行的太陽城春茗，身穿單膊白色長裙、戴上閃爆鑽飾的Heidi，在工作人員的陪同下到場，心情勁靚的Heidi聽到大家祝她新年快樂，即全程笑容滿面兼大方任影。
與洗米華分開進場
Heidi昨晚更一反常態，未有用手袋或外套遮肚，令她的巨肚清楚可見，問到目前身體狀況和預產期，她邊行邊笑說：「好好呀，預產期係六月。」再有傳兒子周柏豪寧願與友人歐遊，也不願與家人到日本旅行客串真人騷，Heidi否認之餘，更透露日本之旅玩得很開心。相隔五分鐘左右，身穿藍色西裝的洗米華到場，問他為何不與Heidi同行？他反問：「佢唔係嚟咗咩？」接着便入場，未有再回答其他問題。身為Heidi閨蜜的鄺美雲，亦有盛裝赴會。同場現身的鄧麗欣亦說：「我今日見到佢（洗米嫂）個肚好大，知佢就嚟生，我有恭喜佢呀，不過未諗送乜禮物，諗吓先！」
小方興奮扮許文強
另一方面， 一眾旗下藝人如薛凱琪、方力申等人皆有現身，他們大部份以上海灘的造型示人，當中以方力申和沈震軒最受歡迎，一度被現場賓客排隊集郵，小方玩得興起，更即場借了一條白色頸巾，以許文強look任影唔嬲。
採訪：盧妹
攝影：梁繼光
