唔少體育運動，香港都落後畀強國，但勢估唔到有樣嘢香港贏番轉頭，呢樣就係醒獅喇。舞獅達人三姜就話︰「早十幾年前，一定係馬來西亞、香港、澳門等地方最強。中國算係後起嘅，呢十幾年先再發展舞獅。好彩香港咁多年，都係五甲以內，好多時都係三甲㖭！」
舞獅算係一種起源於華人地區嘅運動，徐緣就好奇喺歐美地區是否同樣受歡迎？三姜就話︰「歐美都有隊伍㗎，比如法國隊，毛里裘斯都有，英國、澳洲都有，越南泰國、加拿大美國都有㗎！」原來醒獅運動咁受歡迎，咁遲啲奧運項目可唔可以加入埋醒獅，等香港多個牌爭吓？
星期五六日《亂噏24》！香港隊有得fight！