近排流感肆虐，繼早排啲高官排住隊感冒兼流鼻水後，前政務司司長陳方安生噚日出席電台節目時都透露，雖然佢有打流感針，但早排都感冒，相信係因為冇時間休息搞到病。佢話有食特敏福，而家終於好番喇，否則噚日連電台節目都會去唔到。
陳太話呀，梁振英不斷摧漽一國兩制、人權自由，即使佢忍到，但都唔想自己下一代喺咁差嘅環境下生活，情願佢哋移民：「咁樣落去香港唔係一個我願意居住嘅地方，我都唔知我仲有幾年命，我相信情況唔會衰到逼到我移民……我唔想見到佢哋（子女、孫）為咗生存喺香港，扭曲佢哋價值觀，如果係咁，我情願佢哋移民。」