【尋找香港的首爾2】「有人帶咗我本書去韓國玩，話認識到另一面嘅韓國，呢個係我覺得最成功嘅地方！」《首爾私房輕旅行》作者Cyrus筆下的韓國，是充滿藝術、夢想和堅持的地方，「可能有啲人睇咗會有啲啟發！」
記者：鄒倩婷 攝影：廖達燊、 馮嘉文
80後的Cyrus愛旅行、愛寫作，在韓國遊學時寫了一本首爾旅遊書，反傳統介紹悠閒路線，嘆咖啡、玩手作、遊市集，最特別之處是講述了韓國人追夢的故事。Cyrus寫書的時候，會像記者採訪般與當地的老闆聊天，了解他們開舖背後的故事。當中最讓Cyrus印象深刻的是桂洞咖啡，「桂洞咖啡嘅老闆係玩手作，開舖前喺市集擺咗七年攤，終於儲夠錢開cafe，佢唔單止喺舖頭賣自己嘅手作，仲畀其他人寄賣佢哋嘅手作。」Cyrus好欣賞那位老闆在實現了自己夢想後，仍會繼續幫一些沒有財力實現夢想的人。
Cyrus愛韓國人的人情味，覺得他們外冷內熱，一旦變成密友，可以為對方賠命。Cyrus笑言試過同韓國男生拍拖，大讚他們細心，「佢會無時無刻都關注你嘅需要，凍就幫你取暖，幫你綁鞋帶，問你咖啡落幾粒糖，呢啲細節嘢會做得好足」，不過最差的一點是，韓男比較花心！
Cyrus做到自己喜歡的事，她的blog、專欄、facebook專頁的粉絲越來越多，靠賺版稅、講講座推廣韓國旅遊、打自由工等已經夠生活，不過她憶述最初也承受很大壓力，別人都說她浪費金錢，「我喺韓國真係無做嘢，淨係玩、食同寫書，洗晒儲嘅錢，但係當你好認真去做一件事，大家睇到成績，反對嘅聲音就會越嚟越少，支持嘅人會越嚟越多，有時堅持都係好事！」
《韓流小貼士》
姊妹們在韓國千萬別隨街叫人Oppa(哥哥)，因為是親哥哥或男朋友才會這樣叫。如果你隨街叫人Oppa的話，便會顯得很隨便了。
《尋找香港的首爾2》
第一集：港男愛化韓妝 造型導師年賺過百萬
http://bit.ly/1Cnbfbf
第二集：90後做韓星夢碎 爆真人騷造馬黑幕
http://bit.ly/1M5vZWJ
第三集：Rain裴勇俊貼身翻譯 爆李英愛好鮑魚
http://bit.ly/1EnVjo5