楊偉雄嘅外父「風扇大王」翁祐喺上世紀五十年代創立蜆殼電器，呢間公司亦曾經係一隻老牌工業股，不過翁祐二○○四年逝世後，佢家族就喺二○○九年底將上市公司賣殼畀中國海外，變成𠵱家嗰隻中國海外宏洋（081），家族就買番電器生意繼續經營。
蜆殼電器當年除咗經營風扇、家電等業務，仲有些少內地地產項目。翻查舊資料，一九九七年，由熊谷組與蜆殼電器共同發展嘅廣州中天廣場，就請咗梁振英測量師行負責物業管理。
呢張相就係當時做緊熊谷組副主席嘅馬時亨，喺廣州中天廣場嘅管理合約簽約儀式上，幫梁振英同翁祐交換合約文本。都說呢個世界，人與人之間嘅關係真係千絲萬縷。馬時亨當年都未變肥馬！