今年渣打馬拉松，有年輕跑手在終點前暈倒不治。類似的悲劇時有所聞，身體健康的年輕人心臟性猝死，或患上「無聲殺手」突發心律失常死亡綜合症（下簡稱SADS）。製衣大王陳瑞球千金、廠商會副會長陳淑玲也有切膚之痛，其卅一歲的兒子，也在二○一二年因此病猝然離世，其後她創立「遺傳性心律基金會」，為其他病患者及其家屬提供支援。
「突然間，一個最親密嘅人……自己個仔，好哋哋前一晚無事，點解會第二朝起唔到身？」走過喪子陰霾，陳淑玲至今難忘，那陣突然痛失愛子的哀痛，「（當時）好shocking，唔知（兒子）死因、又唔知乜事」，對兒子猝死茫無頭緒，「嗰時要辦理佢嘅身後事、但連死因報告都攞唔到」，這位商界女強人憶述那時靠信仰與家人支持，才捱過來。
氣喘心跳慢屬先兆
及後她到訪英國，因緣際會認識了關於SADS的基金會，經過檢測，發現兒子原來被此病奪命。
SADS一般出現在四十歲或以下人士，看似防不勝防卻早有先兆，這一點，陳淑玲別有體會：「後生仔做運動會唔會做做吓氣喘或者頭暈？會唔會突然暈咗？我諗番起個仔，佢會成日話個心跳得慢，我當時覺得後生仔又係運動家，心跳慢未必唔尋常……肯定有一次，佢喺我面前跌倒，起番身話冇嘢，但冇咗意識 ，佢自己都唔知。」
未能及早預防，救不了兒子一命，「我幫唔到個仔，都希望幫到其他人」，陳淑玲返港後決心相助同路人，二○一三年創辦基金會。
為40家庭檢測預防
她指本港幾乎沒有SADS的病例數據，以英國SADS個案推算，每年約有六十港人因此猝死，基金會正整理該病數據，並與瑪嘉烈醫院合作，聯繫四十個有成員因SADS猝死的家庭，欲替家庭成員進行檢測，「及早知道係可以預防」。基金會另一目標是做好家庭支援，昐有需要家庭求助訴心聲。
■記者陳雪玲